KR bikarmeistari í 11. sinn

Körfuknattleikslið KR-inga varð bikarmeistari á laugardaginn í ellefta sinn í sögu félagsins þegar liðið lagði Þór frá Þorlákshöfn, 95-79. Uppselt var í Laugardalshöll í fyrsta sinn í bikarkeppninni og mögnuð stemning í spennandi og fjörugum leik.

KR-ingurinn Helgi Magnússon var valinn besti maður leiksins en hann hefur ákveðið að leggja skóna á hilluna í lok tímabils. Þetta var fjórða tilraun Helga að titlinum stóra sem nú er á leið aftur í Vesturbæinn.